(Ikiraro cya Rwabusoro gihuza Akarere ka Bugesera n'aka Nyanza)

Ikigo cy’Igihugu gishinzwe Iterambere rya Taransiporo (RTDA) gikomeje gushyira imbaraga mu kubaka ibiraro bishya mu turere dutandukanye tw’igihugu, byaba mu mijyi ndetse no mu byaro.

Ibi bikorwa remezo by'ibiraro bigamije gufasha abaturage mu ngendo zabo za buri munsi, haba mu kugera ku mavuriro, amashuri, amasoko ndetse n’izindi serivisi z’ibanze zifasha mu mibereho myiza y’abaturage.

Muri ibi bikorwa remezo by’ingenzi, hari ibiraro byamaze gushyirwa mu bikorwa ndetse n’ibindi bigikomeje kubakwa hirya no hino mu gihugu. Bimwe muri byo ni:

• Ikiraro cya Rwabusoro giherereye mu karere ka Bugesera
• Ikiraro cya Bishenyi giherereye mu karere ka Kamonyi
• Ikiraro cya Mirama giherereye mu karere ka Nyagatare
• Ikiraro cya Munzanga giherereye mu karere ka Ngororero
• Ikiraro cya Nyundo giherereye mu karere ka Rubavu
• Ikiraro cya Rurangazi giherereye mu karere ka Karongi

                                                                  (Ikiraro cya Munzanga)

Ibi biraro bifite uruhare rukomeye mu guhuza imijyi n’ibyaro, koroshya ubucuruzi n’imigenderanire hagati y’abaturage, ndetse no kubafasha kugera kuri serivisi z’ibanze batagombye guhura n’imbogamizi ziterwa n’inzira zitaranozwa neza. By’umwihariko, bitanga umusanzu mu iterambere ry’ubukungu bw’igihugu no mu guteza imbere imibereho y’abaturage.

Ibi bikorwa remezo bikaba ari gihamya y’ubushake n’ubushobozi igihugu gifite mu kubaka u Rwanda rufite inzira z’imigenderanire n'ubuhahirane zinoze, zituma buri muturage agera aho akeneye kugera mu buryo bworoshye kandi butekanye.

                                                               (Ikiraro cya Nyundo)

                                                                           (Ikiraro cya Rwabusoro)