Umuhanda Kibugabuga-Shinga-Gasoro uhuza akarere ka Bugesera n'aka Nyanza, uri kubakwa hashyirwamo kaburimbo ku bufatanye bwa leta y'u Rwanda na Bank y'Isi. Iyubakwa ry'uyu muhanda rigeze ku kigero cya 80%, ukaba ureshya na 66.55 Km.

Abakoresha uyu muhanda bashimangira ko woroheje cyane imihahiranire ndetse n'imigenderanire hagati y'intara y'ibirasirazuba n'iy'amajyepfo muri rusange.

Abaturage bo muri utu turere, by'umwihariko abo mu mirenge ikora kuri uyu muhanda barashimira leta ko yabakuye mu bwigunge, ikabaha umuhanda wa kaburimbo utuma bagenderanira, bakanahahiranira ku giciro gito, mu buryo bworoshye, butekanye kandi bwihuse.